Дзень беларускага пісьменства з’яўляецца нацыянальным святам у Рэспубліцы і праводзіцца штогод у першую нядзелю верасня.
Канцэпцыя свята прадугледжвае паказ адзінства беларускага друкаванага слова з гісторыяй і культурай беларускага народа, адлюстраванне гістарычнага шляху пісьменства і друку ў Беларусі.
Якраз у кнігах, у «прыгожым пiсьменстве», у словах паэтаў і мысліцеляў адлюстроўваецца гісторыя народа, яго слаўныя справы. Беларусам ёсць чым ганарыцца – беларуская пісьменства мае многа векавыя традыцыі. Асветнікі беларускага народа – фігуры еўрапескага маштабу.
Гэта і Францыск Скарына, фрэска з выявай якога ўпрыгожвае сцяну Падуанскага універсітэта побач с партрэтамі іншых гігантаў Адраджэння; гэта і Кірыл Тураўскі, стоўпнік і прапаведнік, пакінуўшы нам паэтычнае «Слова аб прамудрасці». Вядомы таксама Еўфрасіння Полацкая, падзвіжніца, якая аддала перавагу мёд нябеснай мудрасці золату княжацкай славы, і Сімяон Полацкі, чыю творчасць вучоныя лічуць не толькі адным з вытокаў беларускай літаратуры, але і пачаткам рускага вершаскладання і тэатра.
Традыцыйна свята праводзіцца ў гарадах, якія з’яўляюцца гістарычнымі цэнтрамі культуры, навукі, літературы і кнігадрукавання. Упершыню, у 1994 годзе, святочныя мерапрыемствы адбыліся ў старажытным горадзе Полацку.
Потым сталіцамі свята сталі такія гістарычна значныя культурныя цэнтры краіны, як Тураў, Навагрудак, Нясвіж, Орша, Пінск, Заслаўе, Мсціслаў, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глыбокае, Быхаў, Заслаўе, Шчучын, Рагачоў.
У 2017 годзе сталіцай свята, прымеркаванага да 500-годдзя беларускага кнігадрукавання, зноў стаў старажытны Полацк – родны горад беларускага асветніка і першадрукара Францыска Скарыны.
Юбілейны XXV Дзень беларускага пісьменства прайшоў у 2018 годзе на Брэсчыне – у Іванава.
У 2019 годзе Дзень беларускага пісьменства прыняў горад Слонім Гродненскай вобласці – адзін з самых старажытных на беларускіх землях, старажытны цэнтр культурнага і духоўнага жыцця.
Адной з асаблівасцей кульмінацыі закрыцця свята стала перадача эстафеты правядзення Дня беларускага пісьменства. Наступнай сталіцай фестывалю нацыянальнага слова ў 2020 годзе стануць Бялынічы (Магілёўская вобласць) – старажытны «горад белых начэй», радзіма вядомых творчых асоб, «паклоннае месца» хрысціян Беларусі і свету. Дарэчы, як і Слонім, стагоддзі таму горад над Друццю таксама знаходзіўся пад апекаваннем канцлера Льва Сапегі.
Старшыня Слонімскага райвыканкама Генадзь Хоміч уручыў свайму калегу з Бялынічаў Васілю Захаранку вымпел аб перадачы права на правядзенне XXVII Дня беларускага пісьменства і фаліянт ручной работы. |