Ускручча, месца на павароце ракі Вабіч з крутымі берагамі, дзе бурлівае цячэнне з вірамі.

Усянкоў Артур Уладзіміравіч, нарадзіўся (1935) у вёсцы Галоўчын.
Акадэмік Расійскай акадэміі касманаўтыкі імя К.Э. Цыялкоўскага, Міжнароднай акадэміі інфарматыкі. Лаўрэат Ленінскай прэміі. Генерал-маёр.
Скончыў Вышэйшае ваенна-марское вучылішча (горад Пушкін), служыў у 8-й Мелітопальскай ракетнай дывізіі, Галоўным упраўленні эксплуатацыі Міністэрства абароны СССР, дзе займаўся распрацоўкай і ўкараненнем сістэмы бяспекі выкарыстання ракетных комплексаў, намеснікам камандуючага Вінніцкай ракетнай арміі, начальнікам 7-га Галоўнага ўпраўлення Міністэрства агульнага машынабудавання СССР, намеснікам міністра агульнага машынабудавання СССР, узначальваў Дзяржаўную камісію па выпрабаванню комплексу «Энергія-Буран», працаваў генеральным дырэктарам дзяржаўнай карпарацыі «Расагульмаш».
Узнагароджаны двума ордэнамі Чырвонай Зоркі, ордэнам Пашаны, медалямі.
Жыве ў Маскве.

Усяслаў Брачыслававіч (1029-1101).
Князь Полацкі (з 1044 года).
За рашучасць і розум празваны Чарадзеем.
Яго войска было разбіта Уладзіміра-Валынскім і Тураўскім князем Яраполкам Ізяславічам у бітве пад Галацічаскам (1071), верагодна, сучасны аграгарадок Галоўчын Бялыніцкага раёна.